“Ömrümün çoxunu bu sənətlə keçirmişəm. 62 yaşım var, 35 ildir ki, çilçıraq ustasıyam. Mənim əlimdən minlərlə çilçıraq keçib. Ola bilər kimsə evdə, ya hardasa çilçıraq təmir edir, amma bu emalatxanadan Bakıda bir dənədir”.
Bu sözləri Eldar usta deyir. Eldar Qulamov əvvəllər işin çoxluğundan gələn müştərilərə vaxt verib, “bir ay sonra gələrsən” -deyirmiş. İndi isə işsizlikdən hətta emalatxanasında yuxulayır. Bunun səbəbini isə ölkədə olan işsizlikdə görür: “Devalvasiya olub, hamının işdən azad edilən vaxtıdır. Ona görə də hamı deyir: “çilçıraqdı da, imkan olanda aparıb düzəltdirərəm”. Mənim işim elədir ki marketlər kimi qiymət qaldırmiram. Dollarla almiram ki. Keçən il neçəyə təmir edirdimsə, indi də o qiymətədir. Görürəm imkanı yoxdur, aşağı qiymətə düşürəm. Hamıda vəziyyət pisdi, bizdə deyərlər, vəziyyət ruscadi”.
__
Bu videonu izləyən hər kəs həm də MeydanTV-nin “Xalqın Xəbəri” vətəndaş jurnalistikası layihəsində iştirak edə bilər. Belə ki, qeyd etdiyiniz videoları, çəkdiyiniz fotoları, bildiyiniz məlumatları bizimlə paylaşa bilərsiniz.
Whatsapp nömrəmiz: +49 176 16263646
