Mehman Hüseynov Nəsimi rayon Məhkəməsinə aparılır (yenilənib)

***

11.58. Mehman Hüseynov hal-hazırda Nəsimi rayon Məhkəməsindədir. O, İnzibati Xətalar Məcəlləsinin 535.1-ci maddəsi polisin qanuni əmrinə tabe olmamağa görə tutulub. İşə Nəsimi Rayon məhkəməsinin hakimi Pənahov baxacaq.

Bu barədə vəkil Elçin Sadıqov öz "Facebook" səhifəsində yazıb

***

Bloqqer 22-ci polis bölməsinin əməkdaşları tərəfindən saxlanılıb

Bloqqer Mehman Hüseynov Nəsimi rayon Polis İdarəsinin 22-ci polis bölməsindədir. Bu barədə məlumatı vəkil Elçin Sadıqov yayıb. Onun sözlərinə görə, hazırda Mehman Hüseynov Nəsimi rayon Məhkəməsinə aparılır.

Mehman Hüseynov yanvarın 9-da, saat təxminən 19:30-da dostlarından ayrılıb və həmin vaxtdan da ondan heç bir xəbər yox idi.

Yanvarın 10-na keçən gecə, Bakı vaxtilə 2:50-də Mehman Hüseynovun qardaşı, hazırda xaricdə olan Emin Hüseynov "Sancaq" səhifəsindən canlı yayım edərək bloqqerin həbs olunma ehtimalını vurğulayıb:

"Aldığım məlumata görə, bu gün (9 yanvar nəzərdə tutulur-red) Həzi Aslanov küçəsi ilə Qoqol küçəsinin kəsişməsində kafedən çıxarkən 5-6 naməlum şəxs tərəfindən zorla tutulub və naməlum istiqamətə aparılıb. Saxlanılarkən iki nəfər ağzını tutub və səs-küy salmasına imkan verməyib".

Emin Hüseynov vətəndaşı saxlayarkən yaxınlarına xəbər verilməməsini qanun pozuntusu hesab edib və deyib ki, Mehman Hüseynovla bağlı hər hansı hadisə baş verərsə, onun işini davam etdirəcək.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/11mipt

Ən çox baxılan