Eldar Quliyev

Mənbə: publika.az

Başlıq: Eldar Quliyev

Eldar Quliyev vəfat edib

Kinorejissor Yasamal qəbiristanlığında dəfn olunacaq

Xalq artisti, kinorejissor və ssenarist Eldar Quliyev vəfat edib.

Meydan TV-yə bu haqda məlumat Mədəniyyət Nazirliyindən verilib.

Bildirilib ki, mərhum Yasamal qəbiristanlığında (“Qurd qapısı” qəbiristanlığı) həyat yoldaşının yanında dəfn olunacaq:

“Ailəsindən bizə bildirdilər ki, Eldar müəllim özü həyat yoldaşının yanında dəfn olunmaq istədiyini vəsiyyət edib”, - nazirlikdən bildirilib.

Bu ilin yanvarında infarkt keçirən kinorejissor Eldar Quliyev Müalicəvi Diaqnostika Mərkəzinin kardiloloji şöbəsinə yerləşdirilmişdi.

Eldar Tofiq oğlu Quliyev 1941-ci ildə Bakıda doğulub. 1960–1966-cı illərdə Moskvada Ümumittifaq Dövlət Kinematoqrafiya İnstitutunun rejissorluq fakültəsində, Sergey Gerasimovun kursunda təhsil təhsil alıb. 1967-ci ildən Cəfər Cabbarlı adına “Azərbaycanfilm" kinostudiyasında işləyib.

“Bir cənub şəhərində”, “Babək”, “Ən vacib müsahibə”, “Var olun, qızlar…”, “Ürək… Ürək…”, “Nizami”, “Nə gözəldir bu dünya…”, “Girov”, “İstanbul reysi”, “Dərvişin qeydləri” və başqa filmlərin rejissorudur.

Bəstəkar Tofiq Quliyevin oğlu, ssenarist Nərminə Quliyevanın atasıdır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/11wdoa

Ən çox baxılan