Rusiya sərhədindəki məsciddə olan Azərbaycan vətəndaşları

Источник: Foto: Meydan TV

Başlıq: Rusiya sərhədindəki məsciddə olan Azərbaycan vətəndaşları

Rusiya və Ukraynada olan Azərbaycan vətəndaşları geri dönə bilmirlər

“Pulumuz qurtardığından Rusiya vətəndaşları yemək gətiriblər”

Samur Keçid Məntəqəsində 60-dan çox Azərbaycan vətəndaşı sərhəddə saxlanılıb. Rusiya tərəfi onları Azərbaycana buraxmır və səbəbinin də Azərbaycan hökuməti olduğunu deyir.

Bunu Meydan TV-yə sərhəddə saxlanılan Tural Cəfərov, Nəsimi Süleymanov, Elmira Əliyeva və Zahir Mehdiyev danışıblar.

Onlar bir həftəyə yaxındır sərhəddəki məsciddə gecələdiklərini bildiriblər:

“Biz Rusiyaya iş arxasınca gedənlərik. Bir həftədir burdayıq. Rusiya sərhədçiləri deyir ki, Azərbaycan tərəfi sizi qəbul etmir. Aprelin 6-da azərbaycanlı Rövşən Zalovun cənazəsinin buraxılmaması haqqında məlumatı yayandan sonra, onun meyidini buraxdılar. Bizi isə hələ saxlayıblar. Pulumuz qurtardığından Rusiya vətəndaşları yemək gətiriblər. Bu da nə vaxta qədər davam edəcək, bilmirik”.

Oxşar durumla Ukraynanın paytaxtında 600-ə yaxın Azərbaycan vətəndaşı qarşılaşıb. Onlardan Yalçın Eminbəyov Kiyev şəhərində Azərbaycan Diaspor Evinin qarşısında gözlədiklərini, ancaq səfirlikdən real cavab almadıqlarını bildirib:

“25 mart və 4 aprel tarixlərində gedənlərə təyyarə biletini 400-500 dollar civarında satırdılar. Axı burda hamının o qədər pulu yoxdur. Çünki burda qalanlar hər gün yeməyə pul xərcləyirlər”.

Məsciddə olan Azərbaycan vətəndaşları

Məsciddə olan Azərbaycan vətəndaşları

Источник: Meydan TV

Azərbaycan Xarici İşlər Nazirliyinin mətbuat xidmətinin rəhbəri Leyla Abdullayeva Meydan TV-yə bildirib ki, onların hər iki ölkədə qalan vətəndaşların durumundan məlumatları var və bu barədə operativ qərargaha informasiya çatdırılıb.

L.Abdullayeva xatırladıb ki, Azərbaycan ciddi karantin rejiminə keçib və bütün ölkələrlə sərhədlər bağlanılıb:

“Quru və hava nəqliyyatı tam məhdudlaşdırılıb, qonşu ölkələrə də müvəqqəti belə tədbirlərə keçdiyimizi bildirmişik. Ona görə qonşu respublikalardakı vətəndaşlarımız mümkün qədər karantin rejiminə riayət etsinlər. Onlar olduqları yerdə ciddi karantin rejimi bitənə qədər gözləməlidirlər, yəni aprelin 20-nə qədər. Bu, artıq dövlət səviyyəsində qəbul olunan qərardır. Ölkəyə giriş və çıxış məhdudlaşdırılıb”.

Azərbaycan Nazirlər Kabineti aprelin 5-dən saat 00:00-dan 20 aprel saat 00:00-dək ciddi karantin rejiminə keçidlə bağlə qərar qəbul edib.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/u0usbz

Самое читаемое