Azərbaycanda 2016-cı ilin yanvar-iyul aylarında 3.1 mln. ton neft məhsulu istehsal olunub
2016-cı ilin yanvar-iyul aylarında Azərbaycanda neft məhsullarının istehsalı sahəsində istehsalın ümumi dəyəri 1594.1 mln. manat təşkil edib.
“Report” Dövlət Statistika Komitəsinə istinadən xəbər verir ki, bu, 2015-ci ilin yanvar-iyul ayları ilə müqayisədə 4.6% azdır.
2016-cı ilin 7 ayı ərzində ölkədə 3 141.1 min ton neft məhsulları istehsal olunub.
İlin 7 ayı ərzində 114.4 min ton neft-kimya sənayesində istifadə üçün benzin, 385.6 min ton ağ neft, 1 352.2 min ton dizel yanacağı, 5.1 min ton sürtkü yağları, 85.4 min ton neft bitumu, 112.1 min ton neft koksu istehsal olunub.
Bu ilin yanvar-iyul aylarında ötən ilin müvafiq dövrü ilə müqayisədə neft-kimya sənayesində istifadə üçün benzin istehsalı 1.5%, ağ neft istehsalı 1.7%, dizel yanacağı istehsalı 22.8%, sürtgü yağlarının istehsalı 63%, neft bitumun istehsalı 8.9%, neft koksunun istehsalı isə 25.2% azalıb.
