“Məqsəd ictimaiyyətin diqqətini siyasi məhbus probleminə çəkməkdir”
“Siyasi məhbus problemi gündəmin daimi mövzusudur. Həm məhbusların sayı artır, həm də həbsxanalarda onlara işgəncə verilir, təzyiq göstərilir. Bu problemin həlli köklü dəyişikliklə birbaşa bağlıdır”.
Siyasi məhbuslarla bağlı sosial mediada – “Facebook” və “Twitter”də #azadet #free kampaniyası başlanıb.
Kampaniya yaradıcıları bildirirlər ki, siyasi məhbusların müdafiə komitələrinin, vəkillərin işləri vacib və önəmlidir. Ümumilikdə siyasi məhbuslara hüquqi, siyasi, maddi – mənəvi dəstək avtoritar rejimə qarşı mübarizənin tərkib hissəsidir, əsas istiqamətlərindən biridir:
“Kampaniyanın məqsədi hakimiyyətdən dostlarımıza azadlıq tələbidir. #azadet #free kampaniyasının vəzifələri yerli ictimaiyyəti siyasi məhbuslara dəstək olmağa cəlb etməkdir. Əcnəbi hüquq müdafiə təşkilatlarını, üzvlərini, siyasətçiləri Azərbaycandakı məhbus probleminə ardıcıl yanaşmağa səsləməkdir”.
Kampaniya avqustun 30-u axşama qədər davam edəcək:
“Hər kəsi “Twitter” və “Facebook”da #azadet #free haştağları ilə yazmağa çağırırıq”.
