Şəhid ailələrinin 4-cü etirazı: ''Cənab prezident, cavab ver bizə!''

11 min manat birdəfəlik müavinəti ala bilməyən şəhid ailələri Sahil metrosunun qarşısından Prezident Administrasiyasına qədər yürüş ediblər. Polis etirazçıların qarşısını kəsib və plakatları yığışdırmalarını istəyib. Daha sonra onların kiçik qruplara ayrılaraq Administrasiyaya getmələrinə icazə verib.

Şikayətçiləri Prezident Administrasiyasının rəhbərinin müavini Əli Əsədovun köməkçisi qəbul edib. O, bildirib ki, vətəndaşların şikayətlərinə 2-3 gün sonra cavab veriləcək.

Şəhid ailələri müavinətləri verilənə qədər hər həftə Prezident Administrasiyasına şikayətə gələcəklərini bildiriblər.

Ölkə başçısı İlham Əliyevin 19 apreldə verdiyi fərmana əsasən 11 min manat müavinət 1997-ci il avqustun 2-dək ərazi bütövlüyü uğrunda həlak olmuş hərbi qulluqçuların vərəsələrinə verilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/u698p9

Ən çox baxılan