Rusiya məhkəməsi martın 22-də ukraynalı pilot Nadia Savchenkonu 22 il azadlıqdan məhrum etdi.
Məhkmə bundan başqa onu 30 min rubl cərimə edib.
Qeyd edək ki, Savchenkonun tərəfi bundan əvvəlki prosesdə qərardan apelyasiya şikayəti verməyəcəklərini bildirmişdi.
Vəkil Mark Feygin hesab edir ki, bu Savchenkonun Ukrayna ilə mümkün mübadiləsini uzada bilər.
Vəkil bildirib ki, Savchenko hökmün qüvvəyə minməsindən, yəni 10 gün sonra Ukraynaya verilməyəcəyi halda aclığa başlayacaq.
Rəsmilər Ukrayna ilə bağlı Minsk razılaşmasının buna imkan verdiyini deyirlər.
Savchenko 2014-cü ildə Ukraynanın şərqində tutulub.
İki rusiyalı jurnalistin ölümündə, onların yerini hərbçilərə deməkdə ittiham olunur.
Savchenko, ittihamları rədd edir və rusiyapərəst separatçılar tərəfindən oğurlanaraq Rusiyaya aparıldığını deyir.
