“Parodoksal hadisədə maraqlı olan Azərbaycanın AŞ-sı Nazirlər Kabinetinin sədri olmasıdır”
Mərkəzi ofisi Londonda yerləşən Beynəlxalq Vəkillər Kollegiyası Assosiasiyası (İBAHRİ) Avropa Şurasının Nazirlər Kabinetini Azərbaycanın vətəndaş cəmiyyəti üzvlərinin həbslərinin narahatedici tendensiyasının qarşsıını almaq üçün təcili tədbirlər görməyə çağırır.
Xüsusilə, IBAHRI vəziyyəti müzakirə etmək və son həbsləri pisləyən qətnamə hazırlanmaq məqsədilə Baş katibi Kabinetinin təcili iclasıni keçirməyə çağırır.
Bu barədə assosiasiyanın məlumatında deyilir.
İBAHRİ-nin həmtəsisçisi Helena Kennedi deyir : “Bu narahatedici və parodoksal hadisədə maraqlı olan Azərbaycanın AŞ-sı Nazirlər Kabinetinin sədri olmasıdır. Bu ölkənin öz yurisdiksiyasında vətəndaş cəmiyyətinə qarşı sərt olan dramatik hadisələr baş verir.
Azərbaycan AŞ-nın demokratik dəyərlərini təmsil edən İnsan Hüquqları üzrə Avropa Konvensiyasının zəmanaət verdiyi əsas azadlıqları daha da sarsıdır”.
O, əlavə edib ki, fundamental insan hüquqlarını qorumaq üçün Azərbaycanın yerli və beynəlxalq öhdəlikləri var. Azərbaycan iqtidarının bu əsas azadlıqları belə kobudcasına pozması tamamilə yolverilməzdir.
Assosiasiya buna nümunə olaraq hüquq müdafiəçiləri Leyla və Arif Yunusların, Rəsul Cəfərovun, İntiqam Əliyevin həbsini, RATİ-rəhbəri Emin Hüseynovun ölkədən getməsinə qadağan qoyulması kimi faktları sadalayıb.
Bu faktları sadalayan İBAHRİ Azərbaycan hökumətini vətəndaşları qarşısında qanunun aliliyinə hörmət etməyə və öz öhdəliklərini yerinə yetirməyə çağırır.
