”Türkiyəli müəllimlərin işdən çıxarılması ilə bağlı Türkiyə Səfirliyi və ya Türkiyə hüquq-mühafizə orqanlarının tələbi olmayıb”
”Qafqaz Universitetinin müəllim heyətində artıq 1 nəfər belə Türkiyə vətəndaşı olan müəllim qalmayıb”
Lent.az-a açıqlama verən universitetin müvəqqəti rektoru Elmar Qasımov bildirib ki, işdən çıxarılan 50-yə yaxın türkiyəli müəllimin əvəzinə yerli kadrlara üstünlük verilməsi daha məqsədəuyğun sayılıb.
E.Qasımovun sözlərinə görə, müqaviləsinə xitam verilən türk müəllimlərin yerinə təyin olunmuş yerli kadrlar əsasən Xaricdə Təhsil üzrə Dövlət Proqramı çərçivəsində təhsil alan yerli mütəxəssislərdir.
E.Qasımov qeyd edib ki, türkiyəli müəllimlərin işdən çıxarılması ilə bağlı Türkiyə Səfirliyi və ya Türkiyə hüquq-mühafizə orqanlarının tələbi olmayıb: “Sadəcə onların əmək müqaviləsi bitib, biz də müqaviləni yeniləmədik və fikirləşdik ki, yerli kadrlara üstünlük versək, daha doğru olar”.
Qafqaz Universitetindən 50-yə yaxın Türkiyə vətəndaşı olan müəllim vəzifəsindən azad olunub.
Qafqaz Universiteti müvəqqəti olaraq Bakı Ali Neft Məktəbinin nəzarətinə verilib.
