Fuad Ağayev: “Bu, o məqsədlə edilir ki, ona qarşı verilən ittihamın tamamilə əsasszılığını bir daha aşkar olaraq ortalığa qoyaq”
Aprelin 19-da Türkiyədən deportasiya olunaraq Bakıda həbs edilən “Zerkalo” qəzetinin icmalçısı Rauf Mirqədirov istintaqa ifadə vermək qadağasını götürüb.
Meydan TV-yə açıqlama verən jurnalistin vəkili Fuad Ağayevin sözlərinə görə, Rauf Mirqədirovla məsləhətləşiblər və qərara alınıb ki, yaxın günlərdə onun ifadə vermək hüququndan istifadə edilsin: “Biz bu barədə istintaq orqanını məlumatlandıracağıq. Yəni, həbsdə olan jurnalist ifadə vermək istəyir. Bu, o məqsədlə edilir ki, ona qarşı verilən ittihamın tamamilə əsasszılığını bir daha aşkar olaraq ortalığa qoyaq”.