Bu kadrlar dekabrın 24-ü axşam saatlarında naməlum şəxslər tərəfindən oğurlanan şərti adı Rəvanə Balayeva olan qızın yaxınları tərəfindən lentə alınıb. Rəvanə (ad şərtidir) hazırda həbsdə olan Şah İsmayıl Xətai adına Azərbaycan Demokrat Partiyasının sədri Babək Ədalətlinin qızıdır. Zərərçəkmişin qardaşı onun oğrulandığı günü belə xatırlayır:
Emil Ədalətli deyir ki, bacısına təcavüz olunmayıb. Lakin müxtəlif bədən xəsarətləri yetirilib. Onun sözlərinə görə, naməlum şəxslər maşında Rəvanəyə elektroşok və iynələr vurublar. Nəticədə huşunu itirən qız ailəsinə dəniz səsinə ayıldığını deyib:
Kameraya danışmaq istəməyən zərərçəkmiş deyir ki, o, yalnız Şıxov çimərliyi ərazisində dəniz kənarında itlərini gəzdirməyə çıxaran yaşlı bir cütlüyün sayəsində hadisə yerindən qaça bilib. O, qaçaraq, özünü həmin ərazidə yerləşən “Ramada” hotelinin həyətinə çatdıra bilib.
“Ramada” hotelinin mühafizə xidmətinin üzünün görünməsini istəməyən rəisi Meydan Tv-yə hadisəni təsdiqləyib. Mühafizə xidmətinin məlumatına görə, onlar təqib olunduğunu deyən zərərçəkmişə kömək edərək, polis və təcili yardım, həmçinin, onun ailəsini çağırıblar. Məkanın əməkdaşı onu da deyir ki, hadisə ilə bağlı əllərində olan bütün video çəkilişləri istintaqa təqdim ediblər.
Səhiyyə Nazirliyinin mətbuat xidmətindən bildiriblər ki, zərərçəkmişi Musa Nağıyev adına xəstəxanaya gətirməyiblər. Meydan Tv nazirlik sözçüsünə hadisə günü zərərçəkmişin xəstəxanaya yerləşdirilməsinə dair onun yaxınlarda video kadrların olduğunu bildirib. Mətbuat xidmətinin rəhbəri xəstəxana ilə yenidən əlaqə saxlayacağını desə də, sonradan Meydan Tv-nin sorğusuna cavab verməyib.
Hadisəni araşdıran Binəqədi rayon 7-ci polis bölməsinin müstəntiqi isə bildirir ki, hoteldən onlara video görüntü təqdim olunmayıb.
Müstəntiq hadisənin araşdırıldığını və araşdırma bitdikdən sonra açıqlama veriləcəyini deyir.
