***
Iyunun 8-də İstanbulda vəfat edən energetika naziri Natiq Əliyev II Fəxri Xiyabanda torpağa tapşırılacaq.
***
14.11.
Türkiyənin İstanbul şəhərində müalicə aldığı klinikada vəfat edən energetika naziri Natiq Əliyevin nəşi bu gün Bakıya gətiriləcək.
Energetika Nazirliyinin mətbuat xidmətinin rəhbəri Zəminə Əliyevanın APA-ya deyib ki, sabah 12:00-da “Şəhriyar Mədəniyyət Evi”ndə onunla vida mərasimi keçiriləcək.
N.Əliyevin harada dəfn olunacağı ilə bağlı hələlik məlumat yoxdur.
***
Nazirin vəziyyəti qəfildən pisləşib, həkimlərin müdaxiləsi yetərsiz olub
Türkiyənin İstanbul “Florence Nightingale” klinikasında müalicə olunan energetika naziri Natiq Əliyev vəfat edib.
Nazirin vəziyyəti qəfildən pisləşib, həkimlərin müdaxiləsi yetərsiz olub (APA).
Natiq Əliyevin
iyunun 4-də
vəziyyəti pisləşib və o, Mərkəzi Neftçilər Xəstəxanasına yerləşdirilib. Daha sonra isə müalicəsini davam etdirmək üçün Türkiyəyə aparılıb. Nazir İstanbulun Şişli rayonunda yerləşən və kardioloji xidmətlər üzrə ixtisaslaşan “Florence Nightingale” xəstəxanasında müalicə olunurdu.
Natiq Əliyev 23 noyabr 1947-ci ildə Bakı şəhərində anadan olub.
1965-ci ildə orta məktəbi, 1970-ci ildə M.Əzizbəyov adına Azərbaycan Neft və Kimya İnstitutunu dağ mədən geoloqu ixtisası üzrə bitirib.
İnstitutu bitirdikdən sonra “Xəzərdənizneftqazsənaye” Ümumittifaq İstehsalat Birliyinin “Azərdənizneftkəşfiyyat” trestində, Kompleks dəniz geoloji-kəşfiyyat kontorunda işləyib.
N.Əliyev 1971-ci ildən Azərbaycan Elmlər Akademiyasının Geologiya İnstitutunun aspiranturasında təhsil alıb, 1974-cü ildən geologiya-mineralogiya elmləri namizədidir, böyük elmi işçi vəzifəsində işləyib.
1979-cu ildə “Xəzərneftqazsənaye” Ümumittifaq İstehsalat Birliyinin Kompleks dəniz geoloji-kəşfiyyat kontorunda geologiya şöbəsinin rəisi vəzifəsinə təyin olunub. 1984-cü ildən Azərbaycan Respublikası Kommunist Partiyası Mərkəzi Komitəsinin aparatında neft və kimya şöbəsində təlimatçı, sonra isə sosial-iqtisadi inkişaf şöbəsinin bölmə müdiri vəzifələrində işləyib.
1993-2005-ci illərdə N.Əliyev Azərbaycan Respublikası Dövlət Neft Şirkətinin prezidenti və Direktorlar Şurasının sədri idi.
1994-cü ildən Azəri-Çıraq-Günəşli yataqlarının işlənməsi üzrə layihənin Rəhbər Komitəsinin sədri, 2002-ci ildən Bakı-Tbilisi-Ceyhan Şirkətinin (BTC Ko) Direktorlar Şurasının sədri olub. 2005-ci ildə Azərbaycan neftçilər konqresinin prezidenti seçilib.
2005-2013-cü illərdə sənaye və energetika naziri vəzifəsində işləyib.
22 oktyabr 2013-cü il tarixində energetika naziri vəzifəsinə təyin edilib.
