None

Mənbə: 

Meydan TV-nin kiber hücumlarla bağlı bəyanatı

Meydan TV-nin Facebook səhifələrinin oğurlanaraq, yayımdan qaldırılmasıına səbəb olan hadisə, adminlərdən birinin profilində təhlükəsizlik tədbirlərini güclü qurmamasından qaynaqlanıb. Həmin idarəçinin Facebook hesabı qırılaraq ələ keçirilib, daha sonra digər üzvlər səhifədən uzaqlaşdırılıb. Artıq o şəxsin adminliyi ləğv edilib, əməkdaşlığı sonlandırılıb.

Səhifələrimiz Facebook rəhbərliyi ilə əlaqə yaradıldıqdan sonra geri qaytarılıb, ancaq bütün paylaşımlar silinib, 100 mindən çox istifadəçi səhifədən uzaqlaşdırılıb. Buna görə Meydan TV istifadəçilərindən üzr istəyirik. Bunun məsuliyyətini dərk edirik, bir daha baş verməməsi üçün əlimizdən gələni edəcəyik.

Hazırda silinən postların və üzvlərin geri qaytarılması üçün Facebook rəsmiləri ilə danışıqlar davam edir.

Fəaliyyətə başladığımız gündən, jurnalistlərimiz həbs edilib, onlara müxtəlif təzyiq və təhdidlər olub. Saytımız ölkə sərhədləri daxilində rəsmi olaraq qadağan edilib. Son günlər isə saytımıza hücumlar davam edir. İndi də bunu edənlər ölkəmizdə müstəqil medianı, onun inkişafını həzm etməyənlər, Meydan TV-nin cəmiyyətdə artan nüfuzu və onun paylaşımlarının qarşısını almaq istəyənlərdir.

Meydan TV yarandığından bu yana ölkədə baş verən hadisələri, vətəndaşların problemlərini, onların şikayət və müraciətlərini düzgün şəkildə ictimailəşdirməyə çalışıb. Məqsəd də müstəqil və alternativ media qurumunu formalaşdırmaq və insanları məlumatlandırmaqdır. Biz bu işimizə davam edəcəyik.

Sizdən də xahiş edirik ki, silinən üzvlərin geri qayıtması üçün, səhifənin daha da aktivliyi üçün paylaşımlarımızı siz də dostlarınızla bölüşəsiniz. Bir daha üzr istəyir və bizi seçdiyiniz üçün təşəkkür edirik.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/rwom2z

Ən çox baxılan