Mənbə: Meydan TV

Məcburi köçkün: “Nazirlər Kabinetinin qərarı ilə biz evsiz qalacağıq”

Məcburi köçkün: “Nazirlər Kabinetinin qərarı ilə biz evsiz qalacağıq”

Köhnəlmiş kanalizasiya borularından divar boyunca axan çirkli su, uçuq-sökük binanın dağılmış eyvanları və söküntünün qalıqları ilə dolu həyətyanı sahədə toplaşan sakinlər. Yasamal rayonu Şərifzadə küçəsində yerləşən bu yataqxanada 123 məcburi köçkün ailəsi yaşayır.

Qəzalı binadan vaxtaşırı yanğın xəbərləri də gəlir. Ən son 28 avqust tarixində baş verən yanğın hadisəsindən sonra Qaçqın və Məcburi Köçkünlərlə İş üzrə Dövlət Komitəsinin əməkdaşları əraziyə gəlib. Komitənin rəsmi saytında verilən açıqlamada deyilir ki, burada yaşayan ailələr Nazirlər Kabinetinin 2017-ci il 24 fevral tarixli 65 nömrəli qərarına əsasən qoyulan tələblərə cavab vermir. Buna görə də onlar yeni mənzillə təmin edilməyəcəklər.

Yataqxana sakinləri yaşadıqları binanın həm də narkotik vasitə istifadəçilərinin gizli yerinə çevrildiyini deyir. Onlar dövlət qurumlarından “yox” cavabı alsalar da, hər baxımdan təhlükəli hesab etdikləri binadan köçürüləcəkləri günü gözləyirlər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/9reyhy

Ən çox baxılan