Sahibkar ticarətin zəifləməsi və son zamanlar ziyanla işləmələrinin marketlərin bağlanmasına səbəb olduğunu vurğulayıb
Paytaxtda fəaliyyət göstərən “Lider-AS” supermarketlər şəbəkəsi fəaliyyətini dayandırıb.
“Report” bir neçə gündür şəbəkənin marketlərinin işləmədiyini və malların isə başqa yerlərə daşındığını xəbər verir.
Faktı “Lider-AS” supermarketlər şəbəkəsinin direktoru İsmayıl İsmayılov bildirib ki, yanvarın 10-dan etibarən marketlər fəaliyyətini dayandırıb.
Sahibkar əvvəllər Bakının müxtəlif yerlərində şəbəkənin 4 marketi olduğunu deyib: “Hüseyn Cavid prospektində olan market bir müddət əvvəl bağlanıb. Yanvarın 10-da isə Abbas Mirzə Şərifzadə, Şəfayət Mehdiyev və Cəfər Xəndan küçələrində yerləşən filiallarımız fəaliyyətini dayandırıb”.
İ.İsmayılov ticarətin zəifləməsi və son zamanlar ziyanla işləmələrinin marketlərin bağlanmasına səbəb olduğunu vurğulayıb.