Sakit okean donanması təyyarənin axtarışına başlayıb
İyulun 6-sı dispetçerlə əlaqəsi kəsilən An-26 təyyarəsində Palan qəsəbəsinin sakinləri, o cümlədən yerli administrasiyanın məmurları olub. Bu barədə TASS xəbər verir.
“İlkin məlumatlara görə, təyyarədə administrasiyanın səfərbərlik şöbəsinin rəisi Aleksandr Andreykin və maliyyə idarəsinə rəhbərlik edən arvadı Olqa Andreykina olub”, – mənbə agentliyə xəbər verib. İtkin düşmüş təyyarənin sərnişinləri arasında həmçinin qəsəbə başçısı Olqa Moxireva da var.
Daha əvvəl verilən xəbərə görə, Petropavlovsk-Kamçatkadan Palan qəsəbəsinə uçan təyyarənin göyərtəsində 26 sərnişin, o cümlədən 6 heyət üzvü olub. Sakit okean donanması təyyarənin axtarışına başlayıb.
