Şahin Seyidzadə Qobustanın deputatıdır
Əsgər Ələkbərov “İçərişəhər” Dövlət Tarix-Memarlıq Qoruğu İdarəsinin İdarə Heyətinin sədri vəzifəsindən azad edilib.
Bu barədə Prezident İlham Əliyev martın 3-də sərəncam imzalayıb.
İlham Əliyevin digər sərəncamı ilə deputat, Təhsil Nazirliyinin SABAH qruplarının İcra Komitəsinin rəhbəri Şahin Seyidzadə “İçərişəhər” Dövlət Tarix-Memarlıq Qoruğu İdarəsinin İdarə Heyətinin sədri təyin edilib.
1978-ci ildə Bakıda doğulan Şahin Seyidzadə Həbib bəy Mahmudbəyov adına Texniki-Humanitar Liseyi bitirib.
O, Dövlət Pedaqoji Universitetinin bakalavr və magistr pillələrini bitirib.
2007-ci ildə isə İngiltərənin Mançester Universitetinin “Təhsilin təşkili və idarəetməsi ixtisası” üzrə magistr dərəcəsi alıb.
Şahin Seyidzadə Milli Məclisinin VI çağırış üzvüdür.
Ə.Ələkbərov 2017-ci ilin avqustunda “İçərişəhər” Dövlət Tarix-Memarlıq Qoruğu İdarəsinin İdarə Heyətinin sədri təyin edilmişdi.
