Müdafiə Nazirliyi: ''Onlar mövqe istiqamətində hərəkət edərkən qar uçqununa düşüblər''
Azərbaycan Ordusunun iki hərbi qulluqçusu qar uçqununa düşüb.
Müdafiə Nazirliyi
nin məlumatına görə, hərbçilər – gizir Hafiz Məhəd oğlu Abdullayev və müddətdən artıq həqiqi hərbi xidmət hərbi qulluqçusu əsgər Fərrux Fərman oğlu Məmmədovdur. Onlar mövqe istiqamətində hərəkət edərkən qar uçqununa düşüblər.
“Hazırda hərbi qulluqçuların tapılması üçün ixtisaslı xilasedicilərin iştirakı və xüsusi texnikanın cəlb edilməsi ilə axtarış-xilasetmə əməliyyatı həyata keçirilir,”- nazirliyin məlumatında deyilir.
