“Azərbaycan Dəmir Yolları“ndan hələ ki cavab yoxdur
Azərbaycanla Gürcüstan arasında dəmir yolu ilə sərnişin daşımalarının bərpası istiqamətində danışıqlar aparılır.
Bu haqda məlumatı “Georgian Railway”
yayıb.
Qeyd edilir ki, Tbilisi-Bakı-Tbilisi istiqaməti üzrə sərnişin qatarlarının hərəkəti Azərbaycanın quru sərhədlərini açmasından sonra mümkün olacaq.
“Azərbaycan Dəmir Yolları” Qapalı Səhmdar Cəmiyyətinin mətbuat xidməti hələ ki Meydan TV-nin sorğusunu cavablandırmayıb.Gürcüstanla Azərbaycan arasında sərnişin qatarlarının hərəkəti pandemiya səbəbindən 2020-ci ilin martında dayandırılıb.
Hələlik Gürcüstana Azərbaycandan getməyin yeganə yolu “Buta Airways”ın həftədə 5 dəfə olan reysidir.
Qiymətlər isə biletin nə zaman alınmasından və baqaj kilosundan asılı olaraq tək yöndə 112- 257 manat arası dəyişir.
