İş adamları rüsumun süni şəkildə qaldırılmasının əleyhinədirlər
İyulun 24-də saat 15.00-dan etibarən Dövlət Gömrük Komitəsinin qarşısında telefon aksesurlarını ölkəyə gətirən iş adamları aksiya keçirirlər.
Meydan TV-nin hadisə yerində olan əməkdaşının bildirdiyinə görə, 40 nəfərə yaxın aksiyaçının əsas tələbi rüsumun aşağı salınmasıdır. Onlar rüsumun süni şəkildə qaldırılmasının əleyhinədirlər.
Polis iş adamlarının aksiyasına heç bir maneə yaratmır.
Son məlumata görə, onların bir hissəsini komitəyə dəvət ediblər və avqustun 4-nə qədər problemlərini həll edəcəklərinə çalışacaqları vədini veriblər.
