Prezident gənclər və idman naziri təyin etdi
Fərid Qayıbov Azərbaycanın gənclər və idman naziri təyin edilib.
Bu barədə Prezident İlham Əliyev sentyabrın 7-də
sərəncam
imzalayıb.
Gənclər və İdman Nazirliyi 2006-cı ildə Gənclər, İdman və Turizm Nazirliyinin əsasında yaradılıb. Elə həmin il nazir təyin olunan Azad Rəhimov 2021-ci ilin aprelində vəfat edib.
Yeni nazir Fərid Qayıbov 1979-cu ildə Bakıda doğulub. O, Avropa Gimnastika İttifaqının prezidenti (2017), Azərbaycan Gimnastika Federasiyasının (AGF) Baş Katibi vəzifələrində çalışıb.
