Mənbə: Meydan.TV

Elina Hacıyevanın valideynləri istintaqın gedişindən narazıdırlar

Elina Hacıyevanın valideynləri istintaqın gedişindən narazıdırlar

İntihar edən 8-ci sinif şagirdi Elina Hacıyevanın valideynləri istintaqın gedişindən narazıdırlar. Bir həftə əvvəl ölümün səbəbi ilə bağlı məhkəmə-tibbi ekspertizasının nəticəsi ailəyə təqdim olunub. Onlar ekspertizanın rəyindən qismən narazıdırlar.

Faktla bağlı "özünü öldürmə həddinə çatdırma" maddəsi ilə cinayət işi başlanılmışdı. Nəticədə hadisənin baş verdiyi Səbail rayon 162 nömrəli məktəbin direktoru Sevinc Abbasova barəsində ev dustaqlığı cəzası seçilmişdi. Həmin cəza iyulun 9-da yenidən uzadılıb. Ailənin vəkilləri məhkəmənin qərarından şikayət veriblər.

Vəkillər bildirirlər ki, istintaq zamanı verdikləri vəsatətlərin heç biri təmin olunmayıb.

20 iyunda Elina Hacıyevanın qəbri üzərindəki fotosu cırılıb, güllər isə dağıdılıb. Bu hadisə ilə bağlı Cinayət Məcəlləsinin 245-ci (Qəbir üzərində təhqiredici hərəkət) maddəsi ilə bağlı cinayət işi açılıb. Vəkillər bu işlə bağlı da istintaqın gedişindən narazıdırlar.

Aprelin 4-də Elina Hacıyeva oxuduğu 162 nömrəli məktəbin üçüncü mərtəbəsindən özünü ataraq intihar edib. İntiharına səbəb kimi onun məktəbdə qısnanılması, bullinqə məruz qalması göstərilir. Elinanın valideynləri deyir ki, hər dəfə onu incidən şagird və müəllimlərdən direktora şikayət edəndə o, heç bir tədbir görməyib. Hadisədən sonra məktəbin direktoru, onun müavini və psixoloq işdən çıxarılıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/nynvnq

Ən çox baxılan