Radio müsabiqənin qalibi olub
Milli Televiziya və Radio Şurası (MTRŞ) Qarabağda regional radio kanalının açılması üçün elan olunan müsabiqənin nəticələrini elan edib.
Qurumun aprelin 7-də keçirilən
iclas
ında bildirilib ki, digər iddiaçılarla müqayisədə müxtəlif dillərdə yayım aparmaq üçün üstün imkanlara, daha münasib maddi-texniki bazaya və peşəkar kadr potensialına "Caspian İnternational Broadcasting Company" Məhdud Məsuliyyətli Cəmiyyəti ("CBC FM" radio kanalı) malikdir. Buna görə “CBC FM” müsabiqənin qalibi elan edilib.
Müsabiqə çərçivəsində 7 iddiaçının Şuraya sənədlərini təqdim etdiyi qeyd olunub:
“Bu sıraya "Real Təhlil İnformasiya Mərkəzi" MMC; "Caspian İnternational Broadcasting Company" MMC; "Balans Studiyası" MMC; "İNS ÇM" MMC; "İsti Press" MMC; "Azad Azərbaycan" Müstəqil Teleradio kompaniyası və "ARB 24" MMC”.
