Cavid Hüseynovun məhkəməsi fevralın 24-ə təxirə salındı

Futbolçu Cavid Hüseynov özünün tamamilə günahsız olduğunu bildirib

Source:
Məhkəmə zalı
Məhkəmə zalı
Məhkəmə zalı
Məhkəmə zalı


Futbolçu Cavid Hüseynov özünün tamamilə günahsız olduğunu bildirib

Fevralın 10-da Səbail Rayon Məhkəməsində fotoreportyor Rasim Əliyevin döyülərək öldürülməsi işi üzrə həbs edilən “Qəbələ” klubunun sabiq kapitanı Cavid Hüseynovun cinayət işi üzrə məhkəməsi davam etdirilib.

Hakim Elmar Rəhimovun sədrliyi ilə keçirilən prosesdə ifadə verən C.Hüseynov digər təqsirləndirilən şəxslərin Bakı Ağır Cinayətlər Məhkəməsində verdiyi ifadəni təkrarlayıb.

Futbolçu Cavid Hüseynov özünün tamamilə günahsız olduğunu bildirib.

İclasda jurnalistlərin zala buraxılması ilə bağlı vəsatət təmin olunub. Təyinatla tutulmuş vəkildən imtina ilə bağlı vəsatət də təmin edilib.
Ancaq Rasim Əliyevin ailəsi məhkəməyə şahid qismində çağrılsa da, prosesə buraxılmayıblar.
Növbəti proses fevralın 24-nə təyin olunub.

RATİ-nin sədri, fotoreportyor, ann.az saytının əməkdaşı Rasim Əliyev ötən ilin avqustın 8-də paytaxtın Bayıl qəsəbəsi ərazisində bir qrup şəxs tərəfindən döyülərək çoxsaylı bədən xəsarətləri ilə Kliniki Tibbi Mərkəzə yerləşdirilib və avqustun 9-da orada vəfat edib. Bununla bağlı Bakı şəhər Prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma, zərərçəkmiş şəxsin ölümünə səbəb olduqda) maddəsi ilə cinayət işi başlanıb. Faktla Elşən İsmayılov, Camal Məmmədov, Arif Əliyev, Kənan Mədətov və Samir Mustafayev barəsində həbs qətimkan tədbiri seçilib. O cümlədən, “Qəbələ” klubunun sabiq kapitanı Cavid Hüseynov da R.Əliyevin döyülərək qətlə yetirlməsi ilə əlaqədar açılan cinayət işi üzrə şübhəli şəxs qismində saxlanılıb. C.Hüseynovun bibisi oğlu E.İsmayılovun təşkilatçılığı ilə ağır cinayətin hazırlanmasını bilərək bu barədə xəbər verməməsi, cinayətin törədilməsindən sonra isə qabaqcadan vəd etmədən onun gizlədilməsinə yönələn hərəkətlərə yol verməsində əsaslı şübhələr olduğundan ona Cinayət Məcəlləsinin 307.1 (ağır cinayətin hazırlanmasını və ya törədilməsini bilərək həmin cinayət barəsində xəbər verməmə) və 307.2-ci (qabaqcadan vəd etmədən ağır cinayəti gizlətmə) maddələrində nəzərdə tutulan ittiham elan olunub və barəsində məhkəmənin qərarı ilə həbs qətimkan tədbiri seçilib.

Bakı Şəhər Prokurorluğunda başlanan cinayət işinin istintaqı keçən il dekabrın 22-də tamamlanıb. K.Mədətov, C.Məmmədov və S.Mustafayevin Cinayət Məcəlləsinin 126.3-cü (qəsdən sağlamlığa ağır zərər vurma, zərərçəkmiş şəxsin ölümünə səbəb olduqda), E.İsmayılov və A.Əliyevin isə həmin Məcəllənin 126.3 və 177.1-ci (oğurluq) maddələri ilə təqsirləndirilmələrinə dair cinayət işi üzrə ittiham aktı təsdiqlənərək baxılması üçün Bakı  Məhkəməsinə göndərilib.

Cinayət işinin materiallarından C.Hüseynovun Cinayət Məcəlləsinin 307.1 (ağır cinayətin hazırlanmasını və ya törədilməsini bilərək həmin cinayət barəsində xəbər verməmə) və 307.2-ci (qabaqcadan vəd etmədən ağır cinayəti gizlətmə) maddələri ilə təqsirləndirilməsinə dair ayrıca icraata cinayət işi ayrılıb və “Qəbələ”nin futbolçusunun işi Səbail Rayon Məhkəməsinə göndərilib.

Ana səhifəXəbərlərCavid Hüseynovun məhkəməsi fevralın 24-ə təxirə salındı