BİU magistr təhsili verəcək

”Hər ixtisas üzrə 6 magistr qəbul olunması nəzərdə tutulur”

Source:

Bakı İslam Universiteti
Bakı İslam Universiteti


”Hər ixtisas üzrə 6 magistr qəbul olunması nəzərdə tutulur”

Bakı İslam Universitetində (BİU) magistratura pilləsi yaradılıb. 2017-ci ildə ilk qəbul keçirilib.

Bunu jurnalistlərə açıqlamasında universitetin prorektoru Elçin Həsənli bildirib. O, ”Dinlər tarixi” və ”İslamşünaslıq” üzrə magistratura qəbulu keçirildiyini söyləyib:

”Hər ixtisas üzrə 6 magistr qəbul olunması nəzərdə tutulur. İmtahanlar keçirilib, amma nəticələr məlum deyil. Yaxın günlərdə o da məlum olar”, – E.Həsənli bildirib.

E.Həsənli deyib ki, universitetə tələbə qəbulunda da dəyişiklik var. Qəbul planı 125 nəfərdən 150 nəfərə qaldırılıb.

Bakı İslam Universiteti 1992-ci ildə yaradılıb. Rektoru Qafqaz Müsəlmanları İdarəsinin sədr müavini Hacı Sabir Həsənlidir.

Son illər ölkə qanunvericiliyinə bir sıra dəyişikliklər edilərək xaricdə dini təhsil alanlara məhdudiyyət qoyulub.

Onlar Qafqaz Müsəlmanları İdarəsi ilə razılaşdırmadan indi Azərbaycanda dini mərasimlər icra edə bilməzlər.

Qanunvericiliyə edilən bu kimi dəyişikliklər ölkənin milli təhlükəsizlik məsələləri ilə izah edilib.

Ana səhifəXəbərlərBİU magistr təhsili verəcək