Azərbaycan XİN Fransaya etiraz etdi

Foto: XİN

Etiraza səbəb Paris şəhərinin meri Ann İdalqonun Arayik Harutyunlanla görüşüdür

Azərbaycanın Xarici İşlər Nazirliyi Fransaya etirazını bildirib. Səbəb kimi Paris şəhərinin meri Ann İdalqonun Azərbaycan ərazisindəki qanunsuz qurumun nümayəndəsi ilə görüşməsi göstərilib.

Bu barədə Azərbaycan Xarici İşlər Nazirliyi mayın 28-də açıqlama yayıb.

Bildirilib ki, mayın 28-də Fransanın Azərbaycandakı səfiri Zakari Qros Xarici İşlər Nazirliyinə dəvət edilib:

“Xarici işlər nazirinin müavini Xələf Xələfov Fransa səfirinə 27 may tarixində Paris şəhərinin meri Ann İdalqonun Azərbaycan ərazisindəki qanunsuz qurumun qondarma nümayəndəsi ilə görüşməsi ilə bağlı etirazını bildirib. Fransa rəsmisi tərəfindən Azərbaycanın ərazi bütövlüyünə qarşı atılan bu addımın Fransa qanunvericiliyi və ölkənin beynəlxalq öhdəlikləri ilə açıq ziddiyyət təşkil etdiyi deyilib. Eyni zamanda, Fransa və Azərbaycan münasibətlərə xələl gətirdiyi səfirin diqqətinə çatdırılıb”.

Foto: “mediamax.am”

“Paris şəhərinin merinin bu qanunazidd və məsuliyyətsiz davranışının, həmçinin bölgədə müharibə sonrası sülh və etimad quruculuğu tədbirlərinə uyğun olmadığı vurğulanıb”, – məlumatda deyilir.

Mayın 27-də sepraraçıların lideri Arayik Harutyunyan Paris meri Ann Hidalqonun başçılıq etdiyi nümayəndə heyəti ilə görüşüb.

Görüş Ermənistanın Gorus bölgəsində baş tutub.

Ana səhifəSiyasətAzərbaycan XİN Fransaya etiraz etdi