Komanda Avstriya yığmasına böyük hesabla uduzub
Futbol üzrə Azərbaycan milli komandası martın 24-də Avropa çempionatı-2024-ün seçmə mərhələsi çərçivəsində ilk oyununu keçirib.
Yığma komanda seçmə mərhələdə ilk matçına səfərdə çıxıb. İtaliyalı baş məşqçi Canni De Byazinin rəhbərlik etdiyi komanda Avstriya yığmasının qonağı olub.
F qrupu çərçivəsində “Rayffayzen Arena”da keçirilən oyun Avstriya yığmasının 4:1 hesablı qələbəsi ilə başa çatıb.
Qrupun digər oyununda Belçika millisi səfərdə İsveçi 3:0 hesabı ilə məğlub edib.
Azərbaycan millisi AÇ-2024-ün seçmə mərhələsində növbəti matçını martın 27-də, səfərdə İsveç yığmasına qarşı keçirəcək.
