Bu gün, noyabrın 13-də Kanal 13 internet televiziyasının rəhbəri Əziz Orucovun hökmündən verilmiş kasassiya şikayətinə baxılıb.
Prosesə hakim İlkin Rəcəbov sədrlik edib.
Hakim şikayəti təmin etməyib.
Əziz Orucov 2023-cü il noyabrın 27-də saxlanılıb. Ona qarşı əvvəl Cinayət Məcəlləsinin 188.2 (torpaq sahəsi üzərində özbaşına tikinti və ya quraşdırma işlərini aparma) maddəsilə ittiham irəli sürülüb.
Dekabrın 19-da Əziz Orucova Cinayət Məcəlləsinin 206.3.2 (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddəsilə əlavə ittiham verilib.
İş məhkəməyə gələndə qaçaqmalçılıq ittihamına xitam verilib.
Əziz Orucov bu il fevralın 26-da Səbail rayon Məhkəməsinin qərarı ilə 2 il azadlıqdan məhrum edilib.
Əziz Orucovun həbs müddətinin bitməsinə 14 gün qalıb.
