zirzəmi

Источник: meydan tv

Оглавление: zirzəmi

Stadionun zirzəmisində yaşayanlar

Şuşa sakini: ''İllərlə qalaq burada xəstələnək, çürüyək ki, bizi də saysınlar?''

76 yaşlı Dilarə Məmmədquliyeva Şuşa şəhərindən olan məcburi köçkündür. 1992-ci ildə Şuşanın işğalından sonra qızı ilə birlikdə Bərdədə məskunlaşıb. Hazırda isə rayonda yerləşən futbol stadionundakı zirzəmidə yaşayır:

“Şuşada hər şəraitimiz vardı. Kim istəyər öz ev-eşiyini tərk eləsin? Bir müddət kirayədə qaldıq, amma sonra pulumuz olmadı, kirayəni ödəyə bilmədik. Köçdük bura – stadiona. Buna yaşayış demək olarsa”.

Dilarə xanım həyat yoldaşını itirdiyini, əlil olduğuna görə isə işləyə bilmədiyini deyir: “Şuşadan gələndə ermənilər məni tutdu, əlimi toka verdi. Sağ əlim yandı. Oradan gələnə qədər çox zülm çəkdik. Əliləm, daha işləyə bilmirəm. Burada insan qalar? Görmüşük ki, stadion futbol oynamaq üçündür, amma biz burada yaşayırıq. Heç vaxt ağlıma gəlməzdi ki, belə yerdə yaşayaram”.

Dilarə Məmmədquliyeva

Dilarə Məmmədquliyeva

Источник: meydan.tv

Məcburi köçkünün sözlərinə görə, İcra Hakimiyyətindən yardım sözü verilsə də, hələ ki bir irəliləyiş yoxdur:

“Getdim Bərdə Rayon İcra Hakimiyyətinə ki, yardım edin, çətin vəziyyətdəyəm. Çox getdim-gəldim. Sonradan dedilər ki, gəl qal burada (red: stadion ərazisində), ev tikəndə verərik, hələ evimiz yoxdur. Artıq neçə ildir ki, burada qalıram. O qədər ev tikildi, amma icra dediyi kimi ev vermədi. Bir dəfə də “Qaçqınkom”dan gəlmişdilər. Gəlib çəkdilər, o gedən getdilər”.

Dilarə xanım sosial vəziyyətindən şikayətlənir: “Pensiya alıram, bir də çörək pulu. Bu da olmasa, yəqin acından ölərdik. Hər yer də gördüyün kimi betondur. Tərtər çayı da yaxın keçir deyə qışda lap soyuyur bura. Dedik, qaz çəkin, dedilər ki, dövlət obyektidir, olmaz. Qaz yox, su yox. Odunla qızınmağa çalışıram. Suyu oradan-buradan daşayırıq”.

Məcburi köçkünün üzləşdiyi problemlər bununla da bitmir:

“Gecələr çölə çıxa bilmirik. Bura əvvəlki kimi futbol oynamaq üçün işlədilmir. Gecələr narkomanlar yığışır. Küçə itləri dolur gecələr bura. Gəl, bu yaşda çıx çölə, görüm, necə çıxırsan”.

ev

ev

Источник: meydan.tv

Ailənin əsl çətinlikləri isə yağışlı havalarda başlayır: “Yağış yağanda evimizin hər tərəfi su olur. Yuxarıdan su damır. Evdə başı papaqlı da yoxdur ki, düzəldə. Bir mənəm, bir də qızım”.

Stadion ərazisində Dilarə xanım kimi təxminən 15 ailə yaşayır. O, deyir ki, bəzi ailələr müəmmalı şəkildə ərazidən köçürülüb:

“Ailələrin bəzilərini gecə ilə köçürdülər. Heç nə başa düşmədik. Biz gedib, bizə də kömək edin dedikdə isə “siz sonradan gəlmisiz” deyirlər. Neynəyək, biz də illərlə qalaq burada xəstələnək, çürüyək ki, bizi də saysınlar? İcra bizi unudub”.

Zirzəmidə yaşayan məcburi köçkünlər

Zirzəmidə yaşayan məcburi köçkünlər

Источник: meydan tv

Adını çəkilməsini istəməyən bir sakin isə deyir ki, “Bir ara söz çıxdı ki, kimsə buranı alıb, sökəcək. Burada nəsə eləmək istəyir. Başa düşmədik ki, buranı alıb neynəyirlər?”

Bərdə Şəhər İcra Hakimiyyətindən Meydan TV-yə bildiriblər ki, məcburi köçkünlərin köçürülməsi ilə onlar məşğul olmur. Qaçqın və Məcburi Köçkünlərlə İş üzrə Dövlət Komitəsindən isə deyirlər ki, köçkünlərin köçürülməsi mərhələli şəkildə həyata keçirilir və qeyri-yaşayış yerlərində yaşayan ailələr birinci növbədə evlə təmin olunacalar.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Pазделы:  
Короткие линки:   http://mtv.re/c5vfs6

Самое читаемое