Source: Meydan Tv

İkinci qrup əlil: Bank vəfat etmiş atamın borcunu məndən istəyir

Article was updated on :  21 October 2020

“Atamdan mənə bu borcdan başqa heç nə qalmayıb ki, satıb ödəyim”.

Göyçay sakini Anar Hüseynovun şikayəti var. Deyir, Beynəlxalq Bank 2018-ci ildə vəfat etmiş atasının kredit borcunu onun ödəməsini tələb edir. Onun isə imkanı yoxdur, ikinci qrup əlilliyi var və dünənəcən kirayədə yaşayırmış. Deyir, çətinliklə özünə ev tikib, onu da kreditlə, borc-xərclə. Öz kreditlərini güclə ödəyir, qaldı atasının kreditini ödəməyə imkanı çatsın:

“2 ildir vəfat edib atam. Təzəliklə Beynəlxalq Bank-dan məktub gəlib ki, bəs atamın varisi sayılıram və onun qalmış borclarını mən ödəməliyəm. Halbuki, atam kredit götürdüyü zaman sığorta müqaviləsi də bağlayıb, həmin müqaviləyə də 500 manatdan artıq pul köçürüb. İndi həmin borcu sığorta şirkəti ödəməlidir, ödəmir, bank düşüb mənim üstümə”.

Anar Hüseynov deyir ki, illərdir kirayədə yaşayıb, indi özünə borc-xərclə 2 otaqlı ev tikdirib. Evin təmirinə görə bir müddət əvvəl Beynəlxalq Banka da müraciət edib. Ona rədd cavabı veriblər. Səbəb kimi də, ikinci qrup əlillik müavinətindən başqa gəlirinin olmadığını göstəriblər:

“Mənə dedilər ki, həmin əlilik pensiyası onsuz da azdır və dərmanlara xərclənməlidir. Bundan kredit tutula bilməz. Bəs indi nə dəyişib? Mənim yenə heç bir gəlirim yoxdur, ancaq bank mənə deyir ki, atamın kreditini ödəməliyəm. Özü də sığorta ödəməli olduğu halda”.

Anar Hüseynov hələ də qohum-tanışının evində yaşayır. Evi hazır deyil. Deyir, həm epilepsiya, həm də şəkərli diabetdən əziyyət çəkir. Müalicəsinə pensiyası güclə çatır. Qalan işlərini də kredit, borc-xərc hesabına edib:

“Əlilliyimə görə ev növbəsinə də düşdüm, vermədilər. İndi birtəhər, özüm, çətinliklə başlamışam evimi hazırlamağa. Nə vaxta qədər qohum-tanışın evində qala bilərdim? İndi də bank mənə imkan vermir. Bu ölkədə yaşamaq hər gün mübarizə aparmaq deməkdir. Mən daha bezmişəm mübarizə aparmaqdan, çətinlik çəkməkdən. Bilmirəm nə edim”.

Anar Hüseynovun aylıq 147 manat ödədiyi kredit borcu da var. Deyir, atasının adına olan kredit də hardasa 700 manata yaxındır. Bunu ödəyə bilmək gücündə deyil:

“Yoxdur, bunu başqa cür necə ifadə edim, bilmirəm. Atam sığorta üçün 500 manata yaxın pul ödəyib. Əgər sığorta qalan məbləği yox, elə atamın onlara ödədiyi pulu versə, üstünü mən düzəldərəm. Axı onu da vermir, ona da razı deyil. Həmin qalıq pulu bütöv ödəməyə imkanım yoxdur. Mən adicə evimə köçə bilmirəm, pulum olsa, onu edərəm də. Üstəlik, özümün də kreditim var və onu da çətinliklə ödəyirəm. Hardan alım bu qədər pulu?”

Bank sahəsi üzrə ekspert, hüquqşünas Əkrəm Həsənov deyir ki, əgər kredit üzrə həyat sığortası olubsa, sığorta şirkəti krediti tam bağlamalıdır. Amma əksər kreditlər üzrə sığorta ümumiyyətlə olmur:

“Əsasən, ipoteka kreditlərində olur. 59 aylıq kreditdə yəqin ki, sığorta yoxdur. Bəlkə də oğlu nəyisə çaşdırır. Hər bir halda sığorta yoxdursa, borc ölən şəxsin əmlakı hesabına ödənilməlidir. Bu halda miras əmlak vərəsələrə keçirsə, hər bir vərəsə ona keçən miras əmlakı həddində borcu ödəməlidir”.

Əkrəm Həsənov deyir ki, konkret bu halda atadan oğula hansısa əmlak vərəsəlik qaydasında keçibsə, oğul həmin əmlak həddində ödəməlidir. Məsələn, atasının borcu 10000 manatdısrsa, oğula 15000 manat (pul və ya hansısa əmlakın dəyəri) atadan qalıbsa, borcu tam ödəməlidir. Yox, əgər atadan oğula cəmi 5000 qalıbsa, yalnız həmin 5000-i ödəməlidir. Təbii, heç nə qalmayıbsa, heç nə də ödəmir.

Beynəlxalq Bankın Problemli Kreditlərlə İş Departamentindən Meydan TV-yə bu barədə açıqlama vermək səlahiyyətlərinin olmadığını söyləyiblər. Yalnız kredit sahibinə məlumat verə biləcəklərini və onu məlumatlandırdıqlarını deyiblər.

Anar Hüseynov deyir ki, bəli, dəfələrlə məktub göndəriblər, onu varis olduğu ilə bağlı məlumatlandırıblar. Problem məlumatlandırmaqda deyil, problem ondan bu vəsaiti qanunsuz tələb etmələrindədir:

“Üstəlik, mən öz ayaqarı üzərində duran biriyəm. Atamdan mənə bu borcdan başqa heç nə qalmayıb ki, satıb borcu bağlayam”.

Sənəd

Sənəd

Source: Meydan Tv

Sənəd

Sənəd

Source: Meydan tv

sənəd

sənəd

Source: Meydan Tv

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Article was updated on :  21 October 2020
Featured in:  
Shortlink:   http://mtv.re/fiy6m8

Most Viewed