Elmin Bədəlov

Source: Foto: Meydan tv

Caption: Elmin Bədəlov

ADO teatrının rəhbəri məhkəməyə başında qəfəs gəldi

Elmin Bədəlov bununla teatr azadlığının boğulmasına diqqət çəkmək istəyib

1 saylı Bakı İnzibati-İqtisadi Məhkəməsində ADO teatrının Mədəniyyət Nazirliyinə qarşı irəli sürdüyü iddiasına baxılıb.

Teatrın qurucusu, baş rejissor və aktyoru Elmin Bədəlov məhkəməyə başında qəfəslə gəlib. O, bununla incəsənətə, xüsusilə də teatr azadlığının boğulmasına diqqət çəkmək istədiyini bildirib:

“Bura bizim tamaşaların birindən olan rekvizitlə gəlmişəm. Belə formada gəlməyim əbəs deyil, incəsənətə, xüsusən də teatrlara azadlıq verilmir. Başıma qəfəs keçirməklə, incəsənətə, xüsusən də teatra azadlığın verilməməsinə diqqət çəkmək istəyirəm”.

Proses başlamazdan öncə məhkəməyə sədrlik edən hakim Şəhla Süleymanova jurnalistlərin fəaliyyətini məhdudlaşdırıb. Onlara hər hansı video və foto çəkilişlər aparmağa icazə verməyib.

Sonra Elmin Bədəlovun şikayəti dinlənilib. Hakim Mədəniyyət Nazirliyinin mövqeyini müəyyən etmək üçün məhkəmə baxışını qeyri-müəyyən vaxta təxirə salıb.

Elmin Bədəlovun məhkəmənin son qərarının necə olacağına dair hər hansı bir proqnozu yoxdur. Bununla belə, o deyir ki, məhkəmə qərarı onları qane etməsə, Avropa İnsan Haqları Məhkəməsinə müraciət edəcək:

“Biz yalnız ona ümid edirik ki, proses şəffaf keçiriləcək. Bu, sadəcə ümiddir, çünki Azərbaycan reallığını, vəziyyəti nəzərə alıb, nəsə demək çətindir. Mən 2010-cu ildən ictimai fəal olaraq Mədəniyyət və İncəsənət Universitetinə və digər qurumlara qarşı məhkəmələrə müraciət etmişəm. Çox təəssüf ki, heç birində obyektiv qərarlar verilməyib. Təbii, bu, o demək deyil ki, məhkəmə Mədəniyyət Nazirliyinə qarşı qaldırdığımız iddiaya qeyri-obyektiv yanaşacaq. Sadəcə, gözləmək lazımdır. Əgər qərar bizi qane etməsə, digər instansiyalara, eyni zamanda Avropa Məhkəməsinə müraciət edəcəyik. Avropa Məhkəməsinə müraciət etməyimizin səbəbini açıqlayım. Rusiyada bir qrup incəsənət nümayəndələrinə də eyni formada küçədə performans göstərməyə icazə verilmirdi. Avropa Məhkəməsinə edilən şikayətdən sonra Rusiyaya qarşı cərimə tətbirq edilib. Mədəniyyət Naziriyinə bizim şikayət iddiamızla bağlı qərardad göndəriləcək. Onlar tanış olub, münasibət bildirəcəklər, sonra vaxt təyin olulacaq”.

İlk müstəqil teatr olan ADO (Azərbaycan Dağınıq Oda teatrı) 2 ildən çoxdur ki, küçə performansları nümayiş etdirmək üçün Mədəniyyət Nazirliyinə və Bakı Şəhər İcra Hakimiyyətinə dəfələrlə rəsmi müraciətlər etsə də müsbət cavab almayıb.

Teatr bununla bağlı Mədəniyyət Nazirliyi və Bakı Şəhər İcra Hakimiyyətini məhkəməyə verib.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/xbbugd

Most Viewed