Hadisə rayonda yerləşən ”Akkord-Tekstil” fabrikində baş verdiyi deyilir
Ağstafa rayonunda fabrikdə baş verən yanğın nəticəsində Fövqəladə Hallar Nazirliyinin (FHN) polkovnik-leytenantı Sənan Mansurov xəsarət alıb.
Hadisənin rayonda yerləşən “Akkord-Tekstil” fabrikində baş verdiyi deyilir.
Report.az yazır ki, ümumi sahəsi 600 kvadrartmetr olan fabrikin 160 kvadrat metrlik 2 otağında baş verən yanğın zamanı texnika və əşyalar da yanıb.
Olay yerinə FHN-in Ağstafa rayon Yanğından Mühafizə Hissəsinin (YMH) əməkdaşları və yanğınsöndürən maşınları cəlb olunub. Yanğının söndürülməsi zamanı fabrikin sınan şüşələri YMH-nin rəsi, polkovnik-leytenant Sənan Mansurovun üz və əl nahiyələrini kəsib.
Yanığının baş vermə səbəbləri araşdırılır.
FHN bu barədə rəsmi məlumat verməyib.
