“Gözləyirdim ki, hökumətin əsəblərinin çat verən vaxtı olacaq”
Həbsdə olan jurnalist Xədicə İsmayılova bu gün təcridxanadan “Azadlıq” radiosunun Azərbaycan xidmətindəki həmkarlarından birinə telefon edib.
Öz həbsinə toxunan jurnalist deyib: “Bilirdim ki, hakimiyyətin əsəblərinin çat verən vaxtı olacaq”.
“«Mən möhkəməm, siz də möhkəm olun. Gözləyirdim ki, hökumətin əsəblərinin çat verən vaxtı olacaq. Bu baş verdi və mən həbs olundum. Mənə qarşı irəli sürülən ittihamlar uydurmadır. Çirkli və qara piar üçün nəzərdə tutulmuş ittiham irəli sürülüb. Ancaq bütün bunlara baxmayaraq, mən möhkəməm. Bilirəm ki, sizə də asan deyil. Amma ruhdan düşməyin. İşinizi davam etdirin. Hər kəsin öz işini davam etdirməsi çox vacibdir. Həmkarlarımdan yeni-yeni araşdırmalar, hüquq müdafiəçilərindən yeni-yeni təşəbbüslər gözləyirik. İş davam etməlidir”, – X.İsmayəlova bildirib.
O, hələlik saxlanma şəraitindən şikayətlənmədiyini bildirib.
