Cənubi Koreya və ABŞ prezidentləri telefonda müzakirə aparıblar
Cənubi Koreya Prezidenti Moon Jae deyib ki, ABŞ prezidenti Donald Tramp ölkəsinin Şimali Koreyaya humanitar yardım göstərməsi ilə bağlı planını dəstəkləyib, – “Reuters” xəbər verir.
Moon Jae və Tramp çərşənbə axşamı 35 dəqiqə telefonda Pyonyang ilə dialoqu davam etdirmək yollarını müzakirə ediblər.
Ağ Ev mövzuyla bağlı dərhal münasibət bildirməyib.
Apreldə jurnalistlər Trampdan Şimali Koreyaya bəzi sanksiyaların asanlaşdırılmasına hazır olub-olmadığını soruşmuşdular. Tramp demişdi ki, o və Moon "müəyyən humanitar şeyləri" və Cənubi Koreyanın Şimali Koreyaya qida ilə kömək etməsi ehtimalını müzakirə edirlər.
Şimali koreyalıların təxminən yarısı şiddətli qida təhlükəsizliyindən əziyyət çəkir. Birləşmiş Mİllətlər Təşkilatı mayın 3-də bildirib ki, son 10 il ərzində isti və daşqınlar Şimali Koreyada ən pis məhsuldarlığa gətirib çıxarıb.
Tramp və Şimali Koreya lideri Kim Jong Un iki dəfə görüşüb, amma iki lider arasındakı görüşlər nəticə verməyib. Şənbə günü Şimali Koreya sahilindən raket buraxıb, ancaq Tramp və administrasiyası silah testlərini dəf ediblər.
