Səhiyyə Nazirliyi dərman vasitəsi idxalçılarına xəbərdarlıq edib
Yanvarın 1-dən Səhiyyə Nazirliyi Farmakoloji və Farmakopeya Ekspert Şurası tərəfindən təsdiqlənməmiş dərman vasitələrinin idxalına icazə verilməyəcək.
APA-nın məlumatına görə, bir müddət öncə nazirlik bununla bağlı dərman vasitəsi idxalçıları və xarici istehsalçı müəssisələrin rəsmi nümayəndəliklərinə xəbərdarlıq edib.
Səhiyyə Nazirliyindən bildirilib ki, Tarif (qiymət) Şurası tərəfindən dərman vasitələrinin qiymətləndirilməsi prosesi ilə bağlı keçid dövrü artıq yekunlaşıb.
“Dərman vasitələri haqqında” Qanun və Nazirlər Kabinetinin qərarı ilə təsdiq olunmuş “Dərman vasitələrinin dövlət qeydiyyatı və reyestrinin aparılması Qaydaları”na əsasən dərman vasitələrinin istifadəsinə aid təlimat Azərbaycan dilində olmalıdır.
