Qazın təzyiqi

Mənbə: Meydan TV

Başlıq: Qazın təzyiqi

Suraxanıda: Qazın təzyiqi aşağı olur, elə bil şam yanır

"Bir tərəfdən pandemiya, bir tərəfdən də soyuq bizi xəstə salıb”

"Hava soyuyan kimi qazın təzyiqi azalır, nə evlər qızır, nə də yemək hazırlaya bilirik".

Suraxanı rayonu, Hövsan qəsəbəsi, Oqtay Şabanov küçəsinin sakinləri Meydan TV-yə ünvanladıqları şikayətdə belə deyirlər.

Sakinlərdən Arif Məmmədov bildirib ki, hər payız-qış aylarında onların mavi yanacaq problemi baş qaldırır: «Adi günlərdə də qazın təzyiqi aşağı olur, elə bil şam yanır. Məhəllə dənizə yaxın olduğundan evlər nəm çəkir, bir balaca hava soyuyan kimi nəmişlikdən divarlardan su axır. Şikayətlərdən sonra qazın təzyiqi bir-iki gün düzəlsə də, sonradan yenə aşağı düşür».

Sakinlər deyirlər ki, problemin səbəbini də bilmirlər. “Azəriqaz” İstehsalat Birliyinin «qaynar xətt» xidmətinə dəfələrlə müraciət ediblər, hətta qazın təzyiqini əks etdirən görüntüləri də göndəriblər, lakin nəticəsi olmayıb.

"Bir tərəfdən pandemiya, bir tərəfdən də soyuq bizi xəstə salıb. Qazandığımızı dərmanlara, bir də kommunal xidmət haqlarına xərcləyirik. Az qalıb evdə palto ilə gəzək, yeməyi elektrik sobasında bişiririk",- sakinlərdən biri deyib.

Suraxanı Rayon Qaz İstismar Sahəsindən isə Meydan TV-yə bildiriblər ki, problemdən xəbərdardılar, tədbir görülür.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/6wfd96

Ən çox baxılan