Mirmahmud Fəttayev: “Dairə seçki komissiyalarında onlara ərizə blankları verilmir, hakimiyyətin siyasəti ilə razı olduqları haqqında “arayış” təqdim etmələri tələb olunur”
Bələdiyyə seçkiləri üzrə seçki kampaniyası yekun mərhələyə qədəm basıb. Noyabrın 30-dan etibarən seçkiqabağı təşviqat mərhələsi başlayıb, lakin müxtəlif siyasi qüvvələrin nümayəndələri əhalinin seçki kampaniyasına marağı olmadığını qeyd edirlər.
Bu, bir tərəfdən bələdiyyə sisteminin zəifliyi ilə bağlıdır, digər tərəfdən isə kampaniya seçki prosesinə tam nəzarətin olmadığına, azad və ədalətli seçkilər olmadığına görə maraq doğurmur.
Məsələn, Müsavat Partiyası siyasi təşkilat kimi seçkilərdə iştirakdan imtina edib. Eyni zamanda, partiyanın sıravi üzvləri seçkilərdə iştirak edə biləcəklər.
Lakin Müsavat 600-700-dən çox seçki məntəqəsində seçkilərin monitorinqini aparmaq niyyətindədir,- bu barədə “Turan İA”-a Müsavat Partiyasının sədr müavini Elman Fəttah bildirib.
Onun sözlərinə görə, partiyanın 20-30 sıravi üzvü öz təşəbbüsləri ilə namizədliklərin irəli sürüblər. Bu zaman 6 partiya üzvünün namizədliyinin təsdiqindən və qeydiyyatından imtina olunub.
Seçkilərə maraq olmamasının səbəbi ondadır ki, yerli hakimiyyət qəsdən seçkilərin hakimiyyətin xeyrinə əvvəlcədən həll olunduğu haqqında məlumat yayır.
Bundan başqa, müxalifət namizədlərinə meyl edən seçicilərə təzyiq göstərilir.
Məsələn, Masallı rayonunun Qızılağac kəndində seçicilərə müxalifət nümayəndəsinin xeyrinə verdikləri imzaları geri götürmək məqsədilə təzyiq göstərilir.
Klassik Xalq Cəbhəsi Partiyasının üzvləri də buna bənzər problemlərlə qarşılaşırlar. Partiya lideri Mirmahmud Fəttayevin sözlərinə görə, hakimiyyət müxalifətin namizəd irəli sürməsinə mane olur. Dairə seçki komissiyalarında onlara ərizə blankları verilmir, hakimiyyətin siyasəti ilə razı olduqları haqqında “arayış” təqdim etmələri tələb olunur.
Bundan başqa, artıq təsdiq edilmiş namizədlərin qeydiyyatından uydurma səbəblərlə imtina olunur.
Ümid Partiyasının sədr müavini Ənvər Ağazadə bildirib ki, onlar 400-ə yaxın namizəd irəli sürüb. Lakin namizədlərinin qeydiyyatından müxtəlif bəhanələrlə imtina olunub.
Nəticədə, Ümid Partiyasının 200-ə yaxın namizədi qeydiyyata alınıb, amma onlara da namizədliklərini geri çəkmək məqsədilə təzyiq göstərilir,- deyə Ağazadə bildirib.
Bir müddət əvvəl Seçkilərin Monitorinqi və Demokratiyanın Tədrisi Mərkəzi (SMDT) siyasi azadlıqları boğulması, fəalların həbsi, QHT-lərin, o cümlədən seçkilərin monitorinqi sahəsində işləyən QHT-lərin fəaliyyəti üçün maneələr olması ilə əlaqədar ölkədə demokratik seçkilər üçün şərait yoxdur.
