Azərbaycan təmsilçiləri Norveç İnsan Hüquqları Evi Fondunun təsis etdiyi “Saxarov mükafatı”nın təqdimatı ilə bağlı Osloya yola düşüblər. Bu barədə “Turan İA”-a jurnalist Şahvələd Çobanoğlu bildirib.
Onun sözlərinə görə, mərasimə qatılanların arasında “NİDA” Vətəndaş Hərəkatının idarə heyəti üzvü Ülvi Həsənli, jurnalist Seymur Kazımlı, habelə “Azadlıq” qəzetinin redaktoru Rahim Hacılı da var.
Siyasi məhbus ailələrinin üzvləri mərasimə qatılmaq barədə dəvət alsalar da tədbirdə iştirak edəcəkləri haqda infromasiya yoxdur.
Xatırladaq ki, bu mükafat Azərbaycandakı siyasi məhbuslara kollektiv şəkildə təqdim ediləcək.
