Sabah Avropa İttifaqı Gürcüstan vətəndaşları üçün viza rejiminin ləğv edilməsi barədə yekun qərar qəbul edəcək.
“Pressa Ukrainı”nın məlumatına görə, bu məsələ Avropa İttifaqı Şurasının fevralın 27-də keçiriləcək iclasının gündəliyinə salınıb.
Qərar martın sonlarında qüvvəyə minəcək. Ukraynaya münasibətdə viza rejiminin liberallaşdırılması ilə bağlı müzakirələr fevralın 28-də davam etdirilməlidir. Avropa Parlamentində səsvermədən və Avropa İttifaqı Şurasının təsdiqləməsindən sonra Ukrayna vətəndaşları üçün vizasız rejim bir neçə ay sonra qüvvəyə minəcək.
Qeyd edək ki, Avropa ölkələrinə vizasız gediş-gəlişdən Gürcüstan vətəndaşı olan azərbaycanlılar da faydalana biləcəklər. Son statistikaya görə, Gürcüstanda 233 min azərbaycanlı yaşayır.
