Referendumqabağı təşviqat kampaniyası başa çatıb

Seçki Məcəlləsinin bu tələbinə əsasən sentyabrın 26-da Azərbaycan ərazisində qeyri-iş günü olacaq

Source:
Seçki məntəqəsi
Seçki məntəqəsi


Seçki Məcəlləsinin bu tələbinə əsasən sentyabrın 26-da Azərbaycan ərazisində qeyri-iş günü olacaq

Sentyabrın 25-dən saat 8:00-da Azərbaycanda Konstitusiyaya dəyişikliklər edilməsi məqsədilə sentyabrın 26-na təyin edilmiş ümumxalq səsverməsi (referendum) ilə əlaqədar təşviqatın aparılması üçün ayrılan müddət başa çatıb.

APA-nın məlumatına görə, Seçki Məcəlləsinə əsasən referendum üzrə qeydə alınmış təşviqat qrupları tərəfindən təşviqatın aparılmasına səsvermə gününə 23 gün qalmış başlanmalı, səsvermənin başlanmasına 24 saat qalanadək proses dayandırılmalıdır.

Sentyabrın 26-na təyin edilmiş referendumla əlaqədar referendumqabağı təşviqata sentyabrın 3-də başlanıb. Təşviqat sentyabrın 25-də, saat 08.00-da başa çatıb.

Seçki Məcəlləsinin 8.2. maddəsinə əsasən səsvermə günü seçki (referendum) keçirilən ərazidə iş günü hesab olunmur. Seçki Məcəlləsinin bu tələbinə əsasən sentyabrın 26-da Azərbaycan ərazisində qeyri-iş günü olacaq.

Ana səhifəXəbərlərReferendumqabağı təşviqat kampaniyası başa çatıb