Polis bölməsində Hafiz Babalıdan izahat alındıqdan sonra o, sərbəst buraxılıb
REAL Hərəkatının Sumqayıt məclisinin sədri Hafiz Babalı və onunla bərabər olan 2 nəfəri polis saxlayıb. Belə ki,onlar Hərəkatın tanıtım braşuralarını Sumqayıt şəhəri 34-cü məhəllədə olan ticarət və xidmət obyektlərinə paylayan zaman polislər yaxınlaşıb və nə işlə məşğul olduqlarını soruşublar. Hafiz Babalı cavabında qanunsuz heç nə olmadığını, braşurada partiyanın məramını açıqlayan və parlamentar üsul idarə formasına keçidlə bağlı fikirlərin olduğunu bildirib.
“Məni polis bölməsində 4 saata qədər saxta raport əsasında dindirdilər. Guya braşuralar vətəndaşlara məcburən verilib. Mən isə bildirdim ki, əksinə heç bir təzyiq olmayıb, insanlar bunu məmnuniyyətlə qəbul ediblər. Bizə hansı Məcəlləyə uyğun qanun pozuntusu etdiyimizi açıqlamadılar. Məndən iltizam aldılar ki, həftənin birinci günü polis bölməsinə baş çəkim. Düşünürəm ki, bu izahat əsasında hansısa bir protokol tərtib olunacaq”-deyə Hafiz Babalı bildirib.