Milli Məclis

Mənbə: Foto: Azərtac

Başlıq: Milli Məclis

Razi Nurullayev: Kommunal xərclər sıfırlanmalıdır

Siyavuş Novruzov: “Deputatların davranış qaydaları sərtləşdirilməlidir”

Milli Məclisin videokonfrans formatında işinin davam etdirməsi üzərində işlər aparılır.

Bunu martın 30-da Mili Məclisin iclasında spiker Sahibə Qafarova deyib. O qeyd edib ki, martın 29-da artıq test rejimində videokonfrans keçirilib:

“Bu, elə də asan iş deyil və beynəlxalq təcrübə öyrənilir. Çalışacağıq ki, bu istiqamətdə işlərimizi daha sürətlə aparaq”.

“Apteklərə gün ərzində paylanan 50-100 maska əhalinin tələbatını ödəmir”

Deputat Qüdrət Həsənquliyev isə Azərbaycanda karantin rejimi elan olunsa da, hüquqi anlayış verilmədiyini deyib:

“Parlamentin karantin rejimini təsdiq etməsi üçün hüquqi bazamız yoxdur. Biz hüquqi çərçivəni müəyyənləşdirməliyik”.

YAP-çı deputat Hikmət Babaoğlu seçicilərinin ona apteklərdə maska olmaması ilə bağlı müraciətlər edildiyini xatırladıb:

Hikmət Babaoğlu

Hikmət Babaoğlu

Mənbə: Foto: google.az

“Bununla bağlı tədbirlər planı hazırlanıb. Əlaqədar qurumlardan xahiş edirəm ki, apteklərdə tibbi vasitələrin əlçatanlığını təmin etsinlər. Gün ərzində apteklərə 50-100 ədəd maska paylanır. Bu isə əhalinin tələbatını ödəmir”.

O, qanuna pandemiya və endemiya anlayışlarının da daxil edilməsini təklif edib: “Qanun layihəsində epidemiya şəraitində məhdudiyyətlərin deputatlara şamil olunmamasından söhbət gedir. Ancaq koronavirus bu gün pandemiya mərhələsindədir. Epidemiya virusun bir ərazidə, endemiya bir qitədə, pandemiya isə daha geniş ərazilərdə yayılması deməkdir. Bu nəzərə alınmaldır”.

“Deputatın seçicisi olmayan şəxsi müdafiə etməsi statusuna uyğun deyil”

Onun partiyadaşı Siyavuş Novruzov deputatların davranış qaydalarının sərtləşdirilməsini təklif edib:

“Bəzi deputatlar seçicisi olmayan şəxslərin müdafiəsinə qalxırlar. Bu bizim statusumuza uyğun deyil. Deputatın vəzifəsi öz seçicilərinin problemlərini Milli Məclisdə səsləndirməkdir”.

Siyavuş Novruzov

Siyavuş Novruzov

Mənbə: Foto: google.az

Hakim partiya funksioneri daha sonra bildidib ki, hazırda üç virusa qarşı mübarizə aparırlar:

“Bunlar koronavirus, Ermənistan və sapı özümüzdən olan baltalardır. Bəziləri xaricdə və daxildə olan vasitələrlə bunun daha da genişlənməsi, hökumətin bunun öhdəsindən gəlməməsi ilə bağlı fikirlər səsləndirirlər. Ancaq xaricdə olan həmin şəxslərin çoxu olduqları ölkələrdə heç çölə çıxa bilmirlər”.

“Kreditlərlə bağlı vətəndaşlara 3 ay möhlət verilməlidir”

İclasda “Daşınar əmlakın yüklülüyü haqqında” Qanununda dəyişiklik edilməsi barədə qanun layihəsinin müzakirəsi zamanı deputat Vüqar Bayramov kommersiya banklarından kredit götürən sahibkarlara və vətəndaşlara 3 ay möhlət verilməsinin məqsəduyğun olmasının qeyd edib.

V.Bayramov bu məsələ ilə bağlı dünya təcrübəsində nümunələrin olduğunu xatırladaraq təklif edib ki, 3 ay müddətində kreditlərin gecikməsinə görə faiz və cərimələr yazılmasın.

Razi Nurullayev

Razi Nurullayev

Mənbə: Foto: sosial şəbəkə

Deputat Razi Nurullayev də kreditlərin də dondurulmasına ehtiyac olduğunu vurğulayıb. O, eyni zamanda, hazırkı vəziyyətin nəzərə alınaraq, kommunal xərclərin sıfırlanmasına ehtiyacın olduğunu bildirib:

“Çünki hazırkı dövrdə sərfiyyat əvvəlkindən iki dəfə çox olacaq”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/sns4dm

Ən çox baxılan