”O, cavab tədbiri olaraq xidməti silahdan istifadə olunmaqla zərərsizləşdirilib”
İyunun 4-də, axşam saatlarında Qusarın Yuxarı Zeyxur kəndi ərazisindəki sərhəd zastavasının yaxınlığında bir nəfər Azərbaycanın dövlət sərhədini pozmağa cəhd edib.
Məlumatı Baş Prokurorluq yayıb.
Bildirilir ki, həmin şəxs 1996-cı il doğumlu Macim Mərdanoviçdir:
“Sərhəd pozucusu saxlanıldığı zaman hüquq-mühafizə orqanı əməkdaşlarına atəş açıb. O, cavab tədbiri olaraq xidməti silahdan istifadə olunmaqla zərərsizləşdirilib”.
Məlumatda bildirilir ki, meyitin üzərinə keçirilmiş baxış zamanı 1 ədəd “Makarov” tipli tapança aşkar olunaraq maddi sübut kimi götürülüb.
Faktla bağlı Qusar Rayon Prokurorluğunda müvafiq araşdırmalar aparılır.