Qiyas İbrahimov

Mənbə: Meydan TV

Başlıq: Qiyas İbrahimov

Qiyas İbrahimov: Türkiyənin Bakıdakı səfirliyinə getdim, açıqlama vermədilər

"Hüquqi müstəvidə addımlar atacağam"

Türkiyədən deportasiya edilən siyasi fəal Qiyas İbrahimov aprelin 22-də Türkiyənin Bakıdakı səfirliyində olub.

Ona bildiriblər ki, Türkiyədən müddətsiz deport olunub, lakin səbəbini açıqlamayıblar.

Qiyas İbrahimov Meydan TV-yə bildirib ki, səfirlikdən ona deportasiya olunma səbəbi ilə bağlı Azərbaycanın Xarici İşlər Nazirliyinə müraciət etməsi tövsiyə olunub: "Mənə dedilər ki, sənə "G" kodu qoyulub, nazirliyə və ya konsulluğa müraciət et. Onlar da Türkiyənin Emniyət Genel Müdürlüyü (Baş Polis İdarəsi) ilə əlaqə saxlayıb səbəbini öyrənəcəklər".

Xarici İşlər Nazirliyinin Mətbuat xidmətinin rəhbəri Leyla Abdullayeva Meydan TV-yə deyib ki, vətəndaş bununla bağlı nazirliyə rəsmi müraciət etməlidir.

Q.İbrahimov problemi hüquqi müstəvidə həll edilməsi ilə bağlı vəkillərlə məsləhətləşdiyini deyib.

O bildirib ki, həm Türkiyədə, həm də Azərbaycanda hüquqi addımlar atacaq.

Siyasi fəal Qiyas İbrahimov aprelin 16-da Türkiyədən sərhədi keçəndə 1 saat saxlanılıb və birillik oturum icazəsi olduğu halda, müddətsiz deportasiya olunub.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/m0kxwt

Ən çox baxılan