Bir velosipedçi öldü, digəri yaralandı
Avqustun 9-da, səhər saatlarında Bakının Qaradağ rayonunda BMW markalı avtomobil velosipedçiləri vurub. Qəza nəticəsində velosipedçi Akif Abdullayev ölüb.
O, Azərbaycan Velosiped İdmanı Federasiyasının keçmiş idmançısı, Azərbaycan yığma komandasının sabiq üzvü idi.
“Report”-un məlumatına görə, hadisə Bakı dairəvi yolunun Lökbatan qəsəbəsi ərazisinə düşən hissəsində baş verib.
Arxada hərəkətdə olan KİA markalı avtomobil BMW-yə çırpılıb. Şakir Zülfi oğlu Tağıyevin idarə etdiyi BMW isə velosipedçilərə dəyib.
Hadisə nəticəsində digər velosipedçi, 24 yaşlı Rəhimova soyadlı qız isə müxtəlif bədən xəsarətləri alaraq xəstəxanaya yerləşdirilib.
