“Meydan”da Tbilisidə gündəlik malların qiymətləri barədə oxuduqdan sonra qərara gəldim ki, Praqadakı qiymətləri də mən çatdırım nəzərinizə. Əvvəl onu deyim ki, burada qiymətlər bizim “üzən məzənnə” kimi bir şeydir. Yəni qiymətləri dövlət tənzimləmir. Eyni şeyi bir marketdə ucuz, o birində baha tapa bilərsiniz. Burada həmçinin çoxlu vyetnamlı (vyetnamlılar sovet dövründə gəliblər və indi yerli kimi bir şeydirlər) var ki, mini-market işlədir, bu marketlərdə də qiymətlər bəzən daha ucuz olur. Mən yalnız bir super-marketdə olan qiymətləri yazıram. Xatırladım ki, hər gün hansısa mallara endirim olur, insanlar da məhz endirim olan malları alırlar adətən.
Un – 0,36-0,80 dollar
Kartof – 0,52 dollar
Soğan – 0,64 dollar
Alma – 1,6 dollar
Armud – 1,12 dollar
Banan – 0,88 dollar
Mal əti – 3,96-5,96 dollar
Toyuq əti – 3,20 dollar
Kolbasa – 0,80-3,92 dollar
Adi sosiska – 0,84-1,48 dollar
Siqaret – 3,2-4 dollar
Şəkər tozu – 1,20 dollar
Duz – 0,32 dollar
Çips – 1,04-1,60 dollar
Təbii şirə – 1-1,60 dollar
Coca-cola (2 litr) – 1 dollar
Pivə – 0,44-0,92 dollar
Çaxır – 3,20-12,03 dollar
Araq (0,5 litr) – 5,77 dollar
Qazsız su (5 litr) – 1,32 dollar
Qazsız su (1,5 litr) – 0,28 dollar
Pomidor – 2 dollar
Badımcan – 2 dollar
Xiyar (1 ədəd) – 0,52 dollar
Kök – 0,80 dollar
Sarımsaq – 1,20 dollar
Kələm – 0,68 dollar
Aktivia (orta ölçülü) – 0,92 dollar
Yağ (250 qramlıq heyvan yağı) – 0,76 dollar
Süd – 0,96 dollar
Paltarlar Bakıdan xeyli ucuzdur. Amma ətraf şəhərlərə baxanda baha sayılır. Polşa, Drezden bu cəhətdən çox ucuzluqdur. Məsələn, Praqadan cəmi 2 saatlıq məsafədə olan Drezdendə eyni firmaların malları Bakıdan 3-4 dəfə ucuzdur.
Nəqliyyat bileti ümumidir. Yəni bir bilet alıb həm tramvaydan, həm metrodan, həm də avtobusdan (trolleybus olan şəhərlər də var) istifadə etmək olar. Nəqliyyat vasitəsinə minəndə bilet yoxlanılmır. Yəni biletsiz də asanlıqla minmək olar. Sadəcə nəqliyyatda mütəmadi yoxlamalar olur. Əgər sizi biletsiz tutsalar, 40-80 avro cərimələyirlər.
Biletlər isə uzunmüddətli istifadə üçün baha deyil. Belə ki, ən ucuz bilet yarım saatlıqdır və 1 dollardır. Yəni həmin biletlə yarım saat ərzində hansı şəhərdaxili ictimai nəqliyyat vasitəsindən istəsəniz (taksi istisna), istifadə edə bilərsiniz. Amma aylıq bilet 26,4 dollardır. Yəni bu biletlə 1 ay ərzində limitsiz olaraq, yararlana bilərsiniz.
Əlbəttə, maaşlar, pensiyalar Azərbaycandan xeyli çoxdur. Bu da başqa bir dərdin mövzusudur.
Yazı müəllifin şəxsi mövqeyini ifadə edir…
