Səkinə Həsənova

Mənbə: Meydan TV

Başlıq: Səkinə Həsənova

DİN: Yaşlı qadını bağlı vəziyyətdə tövlədə saxlamaqda şübhəli bilinən şəxs həbs olunub

Məqalə yeniləndi:  3 İyun 2021

Ehsan Zahidov: "Həmin şəxs saxlanılıb və prokurorluqda araşdırma aparılır"

Gədəbəydə yaşlı qadına qarşı zorakılıq göstərərək tövlədə bağlı vəziyyətdə saxlamaqda şübhəli bilinən şəxsin həbs edildiyi bildirilir.

Bu barədə “Report” məlumat yayıb.

Bildirilir ki, Gədəbəyin İvanovka kəndində yaşayan, 1934-cü il təvəllüdlü Səkinə Həsənova qohumu Qəzənfər Hacıyev tərəfindən tövlədə bağlı saxlanılıb.

Daxili İşlər Nazirliyinin mətbuat xidmətinin rəhbəri Ehsan Zahidov məlumatı Meydan TV-yə təsdiqləyib.

O deyib ki, hadisə ilə bağlı araşdırma aparılır.

Sosial şəbəkələrdə Səkinə Həsənovanın tövlədə saxlanılmasını əks etdirən video görüntü yayıldıqdan sonra Gədəbəy Rayon Polis Şöbəsinin (RPŞ) əməkdaşları dərhal həmin kəndə gələrək qadını kənd ərazisində gəzərkən aşkarlayıb.

Onun əqli və fiziki sağlamlığının yerində olmamasını müəyyən etdikdən sonra aidiyyəti qurumlara məlumat verib.

Bildirilib ki, Səkinə Həsənova Göygöl rayonunda yerləşən 3 saylı Psixo-nevroloji Mərkəzə yerləşdirilib.

Qadının bağlanılması və zaman-zaman döyülməsi ilə bağlı RPŞ-də cinayət işi başlanılaraq istintaq-əməliyyat tədbirləri həyata keçirilib.

Keçirilən tədbirlər nəticəsində Səkinə Həsənovanı tövləyə bağlamaqda şübhəli bilinən 1947-ci il təvəllüdlü Qəzənfər Hacıyev barəsində Cinayət Məcəlləsinin 145-ci (Qanunsuz azadlıq məhrum etmə) maddəsi ilə cinayət işi başlanılaraq Gədəbəy Rayon Prokurorluğuna göndərilib.

Faktla bağlı Gədəbəy Rayon Prokurorluğunda araşdırmaların aparıldığı bildirilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  3 İyun 2021
Bölmələr:  
qısa linklər:   http://mtv.re/epjujw

Ən çox baxılan