2016-ci ildə 3 min nəfər toksikologiya üzrə müalicə alıb
Ötən il 3 mindən çox şəxs Klinik Tibbi Mərkəzin (KTM) Toksikologiya Şöbəsinə ambulator qaydada müraciət edib.
Səhiyyə Nazirliyinin mətbuat xidmətindən APA-ya deyilib ki, müraciət edənlərdən 2200 nəfəri toksikologiya üzrə stasionar şöbəyə qəbul olunub. Bunlardan 800 nəfər – dərman, 500 nəfər – dəm qazı, 300 nəfər isə yandırıcı məhlulun qəbulu nəticəsində zəhərləniblər. 90 xəstə ilan sancması, 250 nəfər isə kəskin allergik reaksiya ilə mərkəzə müraciət edib.
Nazirlikdən onu da deyiblər ki, əvvəlki illərlə müqayisədə allergik reaksiyalarla müraciət etmədə ötən illərlə müqayisədə 2,5-3 dəfə azalma müşahidə olunub.