Komissiya “Nərgiz mükafatı”nın verildiyi şəxsin adını təqdimat mərasimində açıqlayacaq
Müsavat Partiyası tərəfindən mərhum müsavatçı fəal Nərgiz Yaqublunun xatirəsinin əbədiləşdirilməsi üçün təsis edilən “Nərgiz Mükafatı”nın hər il dekabrın 28-də təqdim edilməsi qərara alınıb.
Mükafat hər il dekabr ayının 28-də – Nərgiz Yaqublunun doğum günündə sahibinə təqdim olunacaq.
Mükafat müxtəlif şəxslər və təşkilatlar tərifindən mükafat komissiyasına təklif olunan namizədlər arasından gizli səsvermə ilə seçilən bir şəxsə verilir. “Nərgiz mükafatı” komissiyasının toplantısı keçirilib və gizli səsvermə ilə ilk mükafatçı müəyyənləşib.
Dekabr ayının 28-i, saat 15.00 da Müsavat Partiyasının gərargahında mükafatın təqdimatı olacaq. Komissiya “Nərgiz mükafatı”nın verildiyi şəxsin adını təqdimat mərasimində açıqlayacaq.
arqument.az
